यी कुरामा ध्यान दिनुस् आज यो वर्षको पहिलो सूर्यग्रहण ! नारी हरुले जान्नै पर्ने पढेर शेयर गरौ!

२९ असार, काठमाडौं । आज यो वर्षको पहिलो सूर्य ग्रहण लागेको छ । बिहान करिब साढे सात बजेबाट सुरु भएको सूर्यग्रहण बिहान करिब १० बजे सकिने छ ।

यो सूर्य ग्रहण अष्ट्रेलिया, मेलवर्न, अन्टार्कटिका र अष्ट्रियाको उत्तर क्षेत्र लगायतका बिश्वका विभिन्न स्थानबाट अवलोकन गर्न सकिन्छ । नेपाल र भारतबाट भने यो सूर्यग्रहण देख्न नसकिने खगोलशास्त्रीहरु बताउँछन् ।

यो वर्षको दोस्रो सूर्यग्रहण अगस्ट ११ अर्थात् साउन २६ गते परेको छ । उक्त सूर्यग्रहण पनि नेपाल र भारतबाट देख्न सकिने छैन । त्यसलाई चीन, तिब्बत, नर्वे, मंगोलिया लगायतका स्थानबाट हेर्न सकिन्छ ।
यसअघि गत वर्ष माघमा पनि सूर्यग्रहण लागेको थियो ।

सूर्यग्रहणको बेला ध्यान दिनुपर्ने कुरा
सूर्यग्रहणको बेला कुनै पनि नयाँ कार्यको सुरुआत गर्न नहुने ज्योतिषीहरु बताउँछन् । साथै ग्रहण अवधिभर खाना बनाउन, खान र सुत्न पनि बर्जित मानिन्छ ।
ग्रहणलाई नांगो आँखाले हेर्न हुँदैन । ग्रहणको बेला गर्भवतीहरुले विशेष ध्यान पुर्‍याउनुपर्ने जानकारहरु बताउँछन् । सूर्य ग्रहणको बेला वातावरणमा नकारात्मक ऊर्जा फैलिने र त्यसले गर्भमा रहेको बच्चालाई असर गर्ने बताइन्छ ।
राजधानीका पिउने पानीमा कोलिफार्म पाइएपछि राष्ट्रपति पिउँछिन् रसुवामा उत्पादित महँगो ‘अन टप’ पानी

काठमाडौं, २८ असार । चर्चित व्यवसायी अजेयराज सुमार्गीको हिमालयज स्प्रिङ वाटर कम्पनीबाट उत्पादित खानेपानी विदेशमा निर्यात हुँदै आएको छ । नेपालका ठूल्ठूला मार्केट र पाँचतारे होटलमा मात्रै सुमार्गीको कम्पनीले उत्पादन गरेका पानी पाइन्छ ।

हिमालयज स्प्रिङले ९००, ३५० र ५०० मिलिलिटरको बोतल बजारमा पठाएको छ । खासगरी दक्षिण कोरिया, खाडी मुलुकमा हिमालयज स्प्रिङ कम्पनीबाट उत्पादित ‘अन टप’ पानी निर्यात हुँदै आएको छ । ९०० मिलिलिटर बराबरको बोतलको न्यूनतम बजार मूल्य ८० रुपैयाँ पर्छ । रसुवा सदरमुकाम धुन्चेभन्दा तीन किलोमिटर उचाइमा रहेको हिमाली मूलबाट गुणस्तरीय पाइपलाइनबाट कारखानासम्म पानी ल्याई चार चरणमा प्रशोधन गरी ‘अन टप’ पानी उत्पादन हुँदै आएको छ । सोही कारण यो पानी निकै शुद्ध मानिन्छ ।

नेपालमा विदेशी कूटनीतिक नियोगलगायतका ठाउँमा उच्च गुणस्तरको विदेशी पानी आयात हुँदै आएकोमा ‘अन टप’ ले त्यसलाई प्रतिस्थापन गरेर रकम विदेशिनबाट जोगिएको कम्पनीको दाबी छ । नेपाल विज्ञान तथा प्रविधि प्रज्ञा प्रतिष्ठान (नास्ट) ले राजधानीमा बिक्री हुने विभिन्न ५० ब्रान्डका पानीमध्ये ९० प्रतिशत पानीमा दिसामा पाइने कोलिफर्म तथा २७ प्रतिशत पानीमा दिसामै पाइने अर्को घातक जीवाणु इकोलाई रहेको पाइएको थियो । जसका कारण राष्ट्रपति कार्यालयले अहिले व्यापारी सुमार्गीको कम्पनी हिमालयज स्प्रिङ वाटरबाट उत्पादित ‘अन टप’ प्रयोग गर्ने गरेको बताइन्छ ।

राष्ट्रपति विद्यादेवी भण्डारीले खाना पकाउने र पिउने दुवैमा ‘अन टप’ पानी प्रयोग गर्न निर्देशन दिएको स्रोतले बताएको छ । ९०० मिलिलिटरको बोतलको ८० रुपैयाँ पर्छ । दिनमा दुई दर्जन पानीको बोतल सकिएमा दैनिक दुई हजार रुपैयाँभन्दा बढी ‘अन टप’ पानीकै लागि राष्ट्रपति कार्यालयले खर्च गर्ने गरेको देखिन्छ । यसले मासिक ६० हजारभन्दा बढी खानेपानीकै लागि राष्ट्रपति भण्डारीले खर्च गर्दै आएको देखिन्छ ।