पानीमा डुबेर दुई वर्षीय बालकको मृत्यु

नुवाकोट। यहाँको विदुर नगरपालिका–५ स्थित खाल्टोमा जमेको पानीमा डुबेर आज दुई वर्षीय बालकको मृत्यु भएको छ ।

मृत्यु हुनेमा राजेश तिमिल्सिनाका छोरा रञ्जित तिमिल्सिना रहेको नुवाकोटका प्रहरी प्रमुख वसन्त कुँवरले जानकारी दिनुभयो ।

खेल्ने क्रममा खाल्टोको पानीमा डुबेका बालकलाई उद्धार गरी उपचारका लागि जिल्ला अस्पताल त्रिशूली लैजाँदै गर्दा बाटोमा नै मृत्यु भएको हो ।

काम खोज्न हिडेका गुल्मीका एक युवकको दुर्घटनामा मृत्यु

बुटवल । आज बिहान नवलपरासीमा भएको बस दुर्घनामा गुल्मीबाट त्यहाँ काम खोज्न हिडेका एक युवाको मृत्यु भएको खुलेको छ । २१ जना घाइते मध्ये ८ जना सामन्य उपचारपछि डिस्चार्ज भएका छन् भने १२ जना घाईतेहरुको उपचार हुँदैछ ।

आज बिहान पौने सात बजेको समयमा नारायणघाटबाट नेपालगञ्जका लागी छुटेको ना ६ ख ९४३८ नम्बरको बस नवलपरासीको सुनवल नगरपालिका १२ भुमहीमा दुर्घटना भएको थियो ।

त्यस दुर्घटनामा गुल्मीको गाउँपालिकका वडा न– ७ घमिर अर्चेङका ३७ वर्षिय गणेश लम्साल रहेका मृत्यु भएको हो । मालिका ७ घमिरका वडाध्यक्ष बेदप्रसाद पन्थीले भने–‘ अस्तीसम्म यहि देखिन्थे । त्यहाँको एक सिमेन्ट कारखानामा काम गर्न जान्छु भन्दै हिडेका थिए, उनैको दुखत् निधन भएको खबरले हामी स्तब्ध छौं ।’

नवलपरासीका प्रहरी प्रमुख राजेन्द्र भट्टले उनको मृत्यु भएको र २१ जना घाईते मध्ये ८ जना सामन्य उपचार पछि डिस्चार्ज भएका र १२ जनाको उपचार भई रहेको जानकारी दिए । उनका अनुसार ९ जनाको भैरहवा मेडिकल कलेजमा र ३ जनाको वुटवल जेनस अस्पतालमा उपचार भई रहेको छ ।

घाईतेहरु खतारमुक्त रहेका छन् । दुर्घटनामा बस चिप्लिएर राजमार्ग देखि २० मीटरको दुरिमा पल्टिएको थियो । दुर्घटनाको कारण भने अझै खुल्न सकेको छैन ।